"E Vërteta dhe Gënjeshtra". Një legjendë e shekullit të 19-të

 

Një legjendë e shekullit të 19-të thotë se e Vërteta dhe Gënjeshtra u takuan dikur.

Gënjeshtra përshëndeti të Vërtetën dhe i tha asaj "Ditë e bukur sot".

E Vërteta për të qenë e sigurt vështroi rreth qiellit dhe me të vërtetë dita ishte e bukur.

Ata ecën për pak kohë derisa arritën në një pus të madh të mbushur me ujë.

Gënjeshtra e zhyti dorën në ujë dhe duke iu drejtuar së Vërtetës i tha “Ujë i këndshëm dhe i ngrohtë. Dëshironi të notojmë së bashku ”?

Përsëri e Vërteta kishte dyshime.

Por ajo e provoi ujin me dorën e saj dhe ishte vërtet i nxehtë.

Kështu që të dy hynë në ujë dhe notuan për një kohë të gjatë, kur papritmas Gënjeshtra doli nga pusi, veshi rrobat e së Vërtetës dhe u zhduk.

E vërteta me zemërim doli lakuriq duke vrapuar gjithandej duke kërkuar Gënjeshtrën për të marrë rrobat e saj. Njerëzit që e panë atë lakuriq i kthyen sytë nga turpi ose zemërimi.

E Vërteta e varfër, e turpëruar, u kthye në pus dhe u zhyt atje përgjithmonë.

Që atëherë, Gënjeshtra qarkullon e patrazuar e veshur si e Vërteta, duke kënaqur tekat e botës, e cila në asnjë mënyrë nuk dëshiron të shohë të Vërtetën e zhveshur.

(Piktura me të Vërtetën që del nga pusi është e francezit Jean-Léon Gérôme, 1896)