Depresioni

Është fakt që njeriu modern "torturohet" nga problemet psikologjike gjithnjë e më shumë të cilat ulin cilësinë e jetës së tij.
Më të zakonshmet nga këto janë ankthi dhe depresioni.
Gjithnjë e më shumë dëgjojmë në jetën e përditshme për të afërmit, miqtë dhe të njohurit që vuajnë nga këto probleme në një masë të tillë saqë përfundojnë duke kërkuar ndihmën e ilaçeve ose psikoterapi.

Hulumtimet dhe botimet e fundit në revista dhe gazeta, tregojnë se ka një rritje të shpejtë të çrregullimeve të ankthit dhe depresionit.
Sidomos për depresionin, Organizata Botërore e Shëndetësisë (OBSH) ka vlerësuar se ajo do të jetë sëmundja e dytë në dekadën e ardhshme, pas sëmundjeve kardiovaskulare.

Shumë njerëz pyesin se si do të kuptojnë se janë në depresion. Simptomat e depresionit janë si më poshtë.
Personi mund të ketë pothuajse çdo ditë një gjendje të keqe psiqike që i shkakton atij bezdi.
Ka një rënie të interesit në shumicën e aktiviteteve të ditës dhe ka një ndjenjë të mungesës së kënaqësisë edhe për okupacione (p.sh. hobi) që më parë ishin të kënqshme.
Akoma, personi mund të neglizhojë pamjen e tij, për shembull një grua mund të jetë indiferente ndaj veshjes së bukur dhe të shtojë shumë peshë.
Përveç kësaj, mund të ketë pagjumësi ose hipersomnia dhe një rritje ose ulje e konsiderueshme në peshën e trupit.
Personi mund të ndiejë se ka lodhje, mungesë energjie, si dhe përqendrim të reduktuar dhe ulje në kapaciteton e kujtesës.
Gjithashtu mund të ketë ide negative për veten e tij, mendime të tipit "Unë nuk jam një njeri i rëndësishëm ... Unë nuk vlej ... Unë nuk mund të bëj asgjë të mirë ... e ardhmja ime do të jetë gjithmonë e vështirë dhe e pakëndshme ...".
Në disa raste, mund të ketë mendime që individi mund të bëjë keq ose të kryejë vetëvrasje.

Efektet e depresionit mund të jenë veçanërisht të dëmshme. Në të vërtetë, personi me depresion ndihet gjithmonë keq,  ka vështirësi në punë dhe kryerjen e saj.
Jeta e tij shoqërore preket ndjeshëm dhe izolohet nga të afërmit dhe miqtë.
Në lidhje me jetën e tij seksuale, depresioni ka një rol shumë negativ pasi shkakton shqetësime në dëshirën erotike, në stimulimin dhe orgazmën.
Përveç kësaj, vetëvlerësimi preket negativisht kur individi ndjehet i paefektshëm.
Jeta e përditshme duket një përsëritje e vazhdueshme që ngjan se nuk ka kuptim dhe personi e jeton atë si një "proces"

Shumë njerëz që vuajnë nga depresioni janë të shqetësuar se si mund ta kapërcejnë këtë problem.
Ata hezitojnë të marrin vendimin për të folur me një specialist, dhe shumë kanë idenë se ata vështirë se mund të shërohen.
Trajtimi i mësipërm është padyshim një "strategji" e gabuar që forcon rezistencën dhe pengesat për shërimin.
Është e rëndësishme që personi, aq sa thellë është në problemin e depresionit, duhet të kërkojë të gjejë një nxitje që ai të mund "të aktivizohet".
Motivimi për të gjithë është i ndryshëm, si për shembull "shpëtimi" i një marrëdhënie, rivendosja relacionale e marrëdhënieve me afërmit dhe miqtë.
Për këtë arsye është e rëndësishme që personi të veprojë dhe të "kapet" nga ajo që ai e konsideron fillimin e një kursi të ri.
Kërkimi i ndihmës në një specialist është veçanërisht i rëndësishëm dhe është hapi i parë në trajtimin e depresionit.